Neuspjesi su sastavni dio uspješnih priča – poručeno na prvom Fuckup Nights Niksic

26.08.2021

Koje greške se dešavaju kada pokrećete svoj prvi startap i sa čim sve morate da se suočite kada izađete iz svoje zone komfora, sinoć se moglo čuti na prvom održanom Fuckup Nights Niksic.

Blažo Crvenica i Bojan Tešić (Uhura Solutions), kao i Darko Ivanović (The Badger), podijelili su sa učesnicima ogromno iskustvo koje imaju nakon višegodišnje borbe za mjesto na globalnom tržištu.

Nije nedostajalo savjeta dok su se ređale priče o greškama i lekcijama naših gostiju, pa smo mogli da čujemo više o startapovima Budo Finder i Pronađi čas, na kojima su Blažo i Bojan nekada radili. Nakon početne investicije Budo Finder nije uspio da dobije dovoljno finansijskih sredstava za dalji razvoj, a za staratap Pronađi čas su na vrijeme shvatili da ne mogu da monetizuju svoju ideju. Kažu da su loš biznis model i činjenica da su preskočili korak validiranja ideje, bili pogubni za njihove biznise.

Iako su oba startapa na kraju propala, znanje koje su stekli radeći na njima postalo je temelj na kome su izgradili Uhura Solutions. Posebno ističu vezu i povjerenje koje se formiralo među članovima tima i dalo im hrabrosti da opet pokušaju.

Ono u čemu se naši gosti slažu jeste da iako je upornost jako bitna, važno je znati i kada treba odustati i svoje vrijeme i resurse usmjeriti na projekat koji ima bolju perspektivu.

Da uspjeh ne dolazi preko noći pokazao nam je i Darko Ivanović, koji je naveo da je prva greška njegovog staratapa The Badger bila pogrešna namjena proizvoda. Naime, u početku su ga zamisli kao virtuelni bedž da bi nakon nekog vremena pronašli potpuno drugačiju nišu za svoj proizod. Ređali su se pehovi i izazovi,  ali istrajnost i upornost su se na kraju isplatili i The Badger je startap koji iza sebe ima sjajne uspjehe, a sam Darko se može pohvaliti zavidnim iskustvom u startap svijetu i to ne samo kao uspještan startaper već i kao internacionalni startap mentor.

Sinoć nije falilio ni smijeha i dobre energije, jer je događaj okupio veliki broj učesnika – preduzetnika, startapera i mladih ljudih koji imaju ideje sa kojima žele da pokrenu biznis i koji su iskoristili priliku da od naših gostiju traže preporuke i savjete. Ređala su se pitanja, ideje i prijedlozi, kao i duhoviti primjeri kojima su Blažo, Bojan i Darko pokazali da je put do uspjeha strm i pun izazova i da je neuspjeh sastavni dio ovog putovanja.

Posebno su istakli svoju spremnost da pomognu mladim preduzetnicima i startaperima kojima je potrebna podrška i veliki značaj koji Tehnopolis ima u povezivanju i izgradnji startap zajednice naše zemlje. Kako navode, nadaju se da će se uskoro i na većim institucionalnim nivoima stvoriti bolji uslovi za razvoj startap ekosistema u  Crnoj Gori.

Na kraju, naši gosti su naveli da se najbolje uči iz iskustva kada izađeš iz zone komfora i tvrde da ne treba bježati od neuspjeha, jer ako iz njega nešto naučiš onda to nije poraz – već vrijedna lekcija.

Događaj je organizovan u okviru projekta 2CODE, koji je sufinansiran sredstvima EFRR i IPA II fondova Evropske unije.

Povezani članci

Otvorene prijave za obuku o upravljanju CNC mašinama

Otvorene prijave za obuku o upravljanju CNC mašinama

Želite li posao u oblasti inženjeringa i proizvodnje? Imamo sjajnu priliku za vas! IPC Tehnopolis organizuje obuku iz oblasti CAD/CAM softvera i CNC mašina, za nezaposlena lica sa teritorije Crne Gore, bez obzira na predznanje iz ove oblasti. Imajući u vidu značaj ove...

Uspješno završena obuka „Akademija prodaje“

Uspješno završena obuka „Akademija prodaje“

U okviru Programa edukacija IPC Tehnopolis za 2024. godinu uspješno je organizovana i sprovedena obuka „Akademija prodaje“. Obuka je obuhvatila osnovne teme prodaje, a polaznici su bili izuzetno zadovoljni stečenim znanjima i podijeljenim iskustvom od strane...